Ar koncertu grupa prīcynuoja sovus klauseituojus, dūdūt īsavērt tūpūšajā – pīktajā – Astro’n’out studejis albumā, kura izīšona nūtika 2016. godā.
Koncertūs skanieja lobuokuos Astro'n'out dzīsmis naparostūs aranžiejumūs, taipat klauseituojim beja dūts pyrmais īskots grupys jaunuo albuma materialā. Grupai iz skotivis pīsavīnuoja tuos ilggadejais draugs i producents DJ Rudd.
Leidz ar koncertturis paziņuošonu Astro’n’out laida klajā ari jaunu singlu ar nūsaukumu “Atsaveru” (“Atskatos”). "Atsaveru" pamata tema roduos 2016. goda vosorā Astro'n'out rodūšajā nūmetnē, vairuokys dīnys ar producentu DJ Rudd dzeivojūt Valmīrys rajonā, rodūšajā telpā "Syltumneica". Dzīsmis intro tema nu suokuma ruodejuos tikai taids dauzūneigs impulss, kuru pat nabejom planavuojuši atstuot, bet nu tuo atsateisteja dzīsmis kūpejais raksturs, dūdūt dzīsmei rituala sajiutu, kas ir dereiga "aizburūt" paguotni. Dzīsme ir par paguojušūs lītu atstuošonu, par narealūs iluzeju palaisšonu i īšonu tuoļuok, jamūt pīradzātū sev leidza, bet naļaunūt paguotnei sevi stuodynuot.
