Latgolys viestnīceibys GORS sirds ir diveji akustiskī koncertzali – Lelais zals “Gors” ar 1000 sādvītu (3000 stuovvītu) i Mozais zals “Zeidaste” ar 220 sādvītu (1000 stuovvītu). Augstvierteiga akustika ļaun da piļneibai baudeit muzykali dramaturgiskus izvadumus (opera, balets, muzykli), simfoniskuos muzykys koncertus, kora i kamermuzykys koncertus, amatermuokslys i plašizklaidis nūtikšonys.
Latgolys viestnīceibā GORS ir treis ustobys seminarim, konfereņcem, plenerim i korporativajim pasuocīnim ar ītiļpeidu da 60 personu. Kluotyn ir vareiba dabyut cīnastu, nūdrūsynuot organizatoriskūs rysynuojumus (vīsneicu rezerviešona, dalinīku registriešona, dalinīku vuordu karšu sagataveišona, izdalis materialu nūkomplektiešona, pasuocīņu foto dokumentiešona, telpys nūformiejums), ka ari sagataveit pasuocīņa scenareju, kulturys ci izklaidis programu. Muzykys i cytu muosklinīcyskūs izteiksmis veidu mīļuotuojim ir dabojamys ustobys radūšajom darbeibom.
Latgolys viestnīceibā GORS sātu atroduse plaša i muojeiga Dzymtsarokstu nūdaļa. Jaunuo puor i gostu ierteibom ir dabojama “šampanīša ustoba”, kai ari atseviškys ustobys bryutei i bryuguonam. Kluotyn ir vareiba saryupēt cīnasta, kai ari nūdrūsynuot telpys nūformiejumu i muzykalū prīšknasumu.
Latgolys viestnīceiba GORS ir vīta dzeivis baudeišonai vysom maņom – ari garšys. Ite gordieži var nūbaudeit gon latgalīšu kukni, gon cytu zemu lobumus. Latgolys viestnīveibā GORS ir meili gaideits kotrys – ari tod, kod nanūteik kulturys pasuocīni. Informacejis centrā var izzynuot gon par Latgolys šmukuokajom apskatis vītom gon naktssātu vareibom, gon īpasazeit ar plašu i sev teikamu kulturys nūtikšonu pīduovojumu i nūpierkt beletus. Kotram ir vareiba kliut par GORS viestnīku, īmūt ekskursejā – emocionalā, izzynūšā i izklaidejūšā ceļuojumā par Latgolys viestnīceibys GORS sātu, kai ari baudeit šmukū ainovu, kas apsaverama nu jumta terasis.