Latgolys viestnīceibā GORS dorbojās bārnu ustoba “Dzi! Te aug!”. Laikā, kod vacuoki īs iz koncertu ci cytu nūtikšonu, bārnu ustoba byus drūsa vītu, kur aukleišu uzraudzeibā bārni varēs spieļuotīs, viertīs animacejis kinys ci pakaitavuot golda spēlis.
Bārnu breivuo laika pavadeišonys ustoba Latgolys viestnīceibā GORS īkuortuota, sasadorbojūt Rēzeknis Uzjiemieju bīdreibai i SIA “Austrumlatvijas koncertzāle”. Bārnu breivuo laika pavadeišonys ustobys lobīkuortuošonu atbaļsteja Rēzeknis Uzjiemieju bīdreiba, uzjāmums “Zeize”, kura vadeituoji Ilona i Andris Filipenoki ir bārnu ustobys dizaina autori, Rēzeknis Autobusu parka miebeļu ražuotne “Stils”, kas sataiseja kruosainys miebelis, uzjāmums “Rēzeknes Dzirnavnieks”, kas daškeire finansejumu televizora pierkšonai, kai ari metalapstruodis uzjāmums “Nook Ltd”, Rēzeknis Galis kombinats, slaukšonys īkuortu ryupneica “Larta1”, nakustamūs eipašumu viertiešonys uzjāmums “Dzieti”, kas daškeire finansejumu bārnu ustobys lobīkuortuošonai. Bet uzjāmums “Alba Ltd” kai duovonu padāravuoja golda kaitys, rūtalis, kruosainūs zeimuļus i papeiru bārnu radūšai izapausšonai.
Bārnu ustoba ir daīmama bārnim vacumā nu treju da desmit godu Latgolys viestnīceibys GORS pasuocīņu laikā. Dasceit sovu atzolu bārnu ustobai aiz laika var pa teleponu +371 22020206.
Jaunajim vacuokim ir daīmamys ari zeidaiņu puorteišonai īreikuotys ustobys.