"Buratino" ir spylgts i aizraunūšs Boltkrīvejis Vaļsts akademiskuo muzykaluo teatra (Белорусский государственный академический музыкальный театр) muzyklys ar naparostū Alekseja Ribnikova muzyku, kas snādz prīku gon bārnim, gon jūs vacuokim, kas labi pīmiņ jau vairuok nakai pyrma 30 godu izjimtū kinu "Buratino pīdzeivuojumi".
Muzykaluo izruode pīduovoj skateituojim vysu īmīļuotuo stuosta myusu dīnu verseju.
Muzykys autors ir komponists i Krīvejis Tautys muokslinīks Aleksejs Ribnikovs, kas augsti viertej itū izruodi. Sovā presis intervejā Ribnikovs soka: "Muzykla radeituojim īsadeve saglobuot "Buratino pasauli". Izruode ir cīši stypra sovā dramatismā i muzykalajā nūformiejumā. Kod īraudzeju zalā doncojam mozus bārnus, kod dzierdieju tū, kai jī klīdz "Bu-ra-ti-no!", saprotu: vēļ vīna paaudze izaugs kūpā ar itū muzyku."
2005. godā III Storptautiskajā teatra festivālā "Золотой витязь" muzyklys "Buratino" sajēme golvonū bolvu - Zalta Vitjazu.
Foto: Andrejs Vasjukevičs/ Latgolys viestnīceiba GORS
