2016. goda 28. februarī jau astoitū reizi tika padūtys Latgalīšu kulturys goda bolvys „Boņuks” statuetis par padareitajim dorbiem latgalīšu kulturā 2015. godā.
Svineigajā ceremonejā kotru godu sasalosa aktivuokī latgalīšu kulturys darbinīki i atbaļsteituoji. „Boņuka 2015” ceremonejis pyrmajā daļā beja vareiba pīdzeivuot festivalam „ORGANismi” radeituo muzykaluo izvaduma „Saule. Bārni. Raiņs” izruodi, bet ūtrajā daļā tika padūtys „Boņuka 2015” statuetis 19 nominacejuos, bet, kai kas goda, byus ari puorsteigumi i muzykali prīšknasumi.
Latgalīšu kulturys goda bolva teik reikuota ar dūmu apkūpuot lobuokūs pārnejuo goda dorbus i pasuokumus, gūdynuot aktivuokūs Latgolys kulturys puorstuovus, popularizātuojus, veicynuot tuoluoku jaunradis i kulturys daudzveideibys atteisteibu.
Foto: Andrejs Vasjukevičs/ Latgolys viestnīceiba GORS
