2016. goda 24. aprelī Latgolys viestnīceibys GORS Lelajā zālā nūtikakoncertizruodys "Gadalaiki" pasauļa pyrmizruode! Koncertizruode „Godalaiki” ir muzykala izruode, kas baļsteita iz ituo goda jubilara Pētera Vaska, klavīrdorbu ciklu „Godalaiki”. Izruodis centrā ir stuosts par Doncuotuoja dzeivi, kū izdoncuos doncuotuojs Kirils Burlovs, bet muzykali izruodi kruosuos breineigais pianists Reinis Zariņš. Stuostu papyldynuos dzejis ilustracejis i video projekcejis. Itymā izruodē Doncuotuoja dzeivis golvonī pūsmi sakreit ar P. Vaska cikla četrom daļom. Leidzeigi – ari eipašuos šaļts Vaska muzykā saskaņ ar konkretim Doncuotuoja puordzeivuojumim.
Izruodis idejis autors pianists Reinis Zariņš i doncuotuojs Kirils Burlovs.
Komponists Pēteris Vasks ciklu "Godalaiki" radejs pamozeišom, nu 1980. goda, kod jis komponēja "Balto ainavu" – meditativu tuo laika Baltejis komponistu minimalisma gorā radeitu meditaceju, kurā izmontuotys tikai dažys skanis. Godu vāluok jis sacerēja "Rudens klaviermūziku" (Quasi una sonata), kas ir jau stypri izvārstuoks, dramatiski aktivs skaņdorbs, 1995. godā tyka radeita dobys skaņu ainova "Pavasara klaviermūzika" (Quasi una sonata), bet 2009. goda zīmā Vasks pabeidze ciklu, pīrokstūt tryukstūšū godalaiku – vosoru. Lai saglobuotu komponiešonas seceibu i ari deļtuo, ka cikla autoram "gods suocas i beidzas ar boltū kruosu", par “Godalaiku” cikla pyrmū daļu palyka zīma, bet tys beidzas ar rudini. Pavasara klavīrdorbs komponāts piec Svenska Rikskonserter pasyutejuma, bet skaņdorbs par vosoru veiduots piec poša komponista iniciativys, lai godalaiku ritiejums byutu piļneigs.
Reinis Zariņš par koncertizruodis ideju stuosta: “Myusu īdvasmys olūts itai izruodei jau nu suoku ir bejs taišni Vaska ciklys. Mums ir svareiga na viņ filozofiski pīseitynuotuo ideja par Dzeivis lūku, bet ari ituos muzykys emocionalais caurejūšais spāks, kas var dūmu pasnēgt tik vīnnūzeimeigā i boguotā veidā. Mes asam laimeigi realizēt „Godalaikus” Vaska opoluo jubileja godā i cerejam ar tū pīsaisteit jaunus fanus Vaska muzykai.”
Foto: Andrejs Vasjukevičs/ Latgolys viestnīceiba GORS
