2017. goda 26. augustā iz Latgolys viestnīceiby GORS Lelo zala izastuoja bungu i kuliņu grupa “Auļi” i tradicionaluos muzykys grupa “Tautumeitas”, kas spūdri, muzykali stypri i žanriski izcyli puorstuov tautyskū muzyku, “Auļu” veiriškajā spākā i “Tautumeitu” sīviškeigajā maigumā apsavīnojūt vīnā koncertprogramā, kurymai izavālāta kuozu tematika. “Auļi” ir Latvejis tautys muzykys grupa, kurei sevi sauc par “dūdu i kuliņu grupu”, kurei pamatā spieļoj instrumentalū muzyku – dažaidu latvīšu tradicionalūs tautys deju i dūdu melodeju aranžiejumus, cytu Eiropys tautu tradicionaluos melodejis, kai ari sovus originaldorbus i tautysdzīšmu aranžiejumus. “Tautumeitas” ir tradicionaluos muzykys grupa, kurymā apsavīnuojušs jaunys, nu etnomuzykā cīši pīredziejušys mārgys, nu kurūs leluokai daļai ir profesionala etnomuzykologu izgleiteiba. Itūšaļt dalineicys izkūp tradicionalū daudzbaļseigū dzīduošonu, kluotyn dalīkūt ari myusdīneigu tautys muzykys skaniejumu. Grupa sajāmuse ari Latgalīšu kulturys goda bolvu “Boņuks”.
Foto: Andrejs Vasjukevičs/ Latgolys viestnīceibys GORS
