15. aprelī Latgolys viestnīceibys GORS Lelajā zalā byus īspieja pīdzeivuot Storptautyskuo Baltejis baleta festivala nūtykumu – flamenko izruodi „Karmena”.
Spanejis flamenko kompanejis „Flamenco Agency” izruode „Karmena” (Carmena by Bizet). Izruode Manolo Marina (Manolo Marin) horeografejā ar Bizē muzyku ir puorlīcynojūšs, eists Andaluzejis flamenko. Piec debejis Vuocejis Nacionalajā operā Berlinē izruode ir ruodeita ari cytūs pasauļa leimiņa teatrūs.
Labi zynomuo stuosta, kas veiduots ar Žorža Bizē operys i flamenko muzyku, izvadums ir īspaideigs i dzeiveigs. Stuosts viestej par naivu kareivi Donu Hosē, kuru savaldzynoj uguneiguo čygonka Karmena. Par speiti tam, ka Hosē Karmenys deļ pamat sovu jauneibys mīlesteibu i dezertej nu armejis, Karmena izavielej šmukū toreadoru Eskamiljo. Hosē greizsirdeibys puorjimts, nūnuovej Karmenu.
Foto: Andrejs Vasjukevičs/ Latgolys viestnīceiba GORS
