2017. goda 27. majā Latgolys viestnīceiba GORS svietejūt jau sovu catūrtū dzimšonys dīnu, kurā kai duovonu sev i apmaklātuojim sagatavuoja GORS koncertfligeļu krysttāva, pianista Vestarda Šimkus solo koncertu kino nūskaņuos.
Koncerta pyrmajā daļā skanieja koncertmuzyka, kuruos autori voi nu poši ir dorbuojušīs kino muzykys jūmā, voi kurūs skaņdorbi nareši ir palykuši par īdarbeigim kinu zamteksta saceituojim. Vestarda atskaņuojumā izskanieja Juoņa Ivanova, Pētera Vaska, Filipa Glāsa i juo poša muzyka. Bet koncerta ūtrajā daļā skanieja pasauļa kinomuzykys šedevri, kū komponiejuši Džons Viljamss, Jans Tjersēns, Harolds Ārlens, Hanss Cimmers i Astors Pjacolla. Klauseituoji varieja dzierdēt temys nu dažaidu kinu, par pīvadumu, kai “Harijs Poters”, “Ameleja”, “Oza zemis būrs”, “Navaramuo miseja” i cytys.
Foto: Andrejs Vasjukevičs/ Latgolys viestnīceiba GORS
